சர்வே - கலப்புத் திருமணம் - ஊருக்கு உபதேசமா இல்ல உண்மைச் சம்பவமா?

சர்வே போட சரக்கு தீந்து போயிடுமேன்னு ஒரு பக்கம் யோசன வரும்போதெல்லாம், நம் பதிவுலகக் கண்மணிகள், இந்தா புடின்னு தலைப்புக்கான ஐடியாஸ எடுத்து வீசராங்க.

(வானொலி அண்ணா ஸ்டைல்ல படிங்க. யாருன்னு தெரியுமுல்ல?)
போன சர்வேல ஊர்ல இருக்கும் ஜாதிப் பிரச்சனைய பாத்தோம்.
ஜாதி பிரச்சனை முழுசா போகணும்னா நம்ம பேருக்கு பின்னாடி ஜாதி பேர் போட்டுக்கரத நிறுத்தணும்னும் பாத்தோம்.
பேர்ல இருக்கர ஜாதிய தூக்கலாம், ஆனா அவங்கவங்க culture, நல்ல பழக்கவழக்கங்கள் இதெல்லாம் மாத்திக்க வேண்டிய அவசியம் இல்லன்னும் பாத்தோம்.

என்ன, நான் சொல்றது சரிதானே?

ஒரு சிலர் பழக்கவழக்கங்களும் வேணாம்கறாங்க. எல்லா மனுஷனும் ஒரே மாதிரி வாழணுமாம். அதெப்படி சாத்தியமாவும்னு தெரியல.
நம்ப ரோபோ இல்லியே? ரெண்டு கை, காலு, கண்ணு, உணர்ச்சி, மனதில் விருப்பு வெருப்பு, வாயில் சுவைன்னு ஒவ்வொரு மனுஷனுக்கும் ஒவ்வொரு விதமா இல்ல ஆண்டவன் படச்சிருக்கான் (என்னது? ஆண்டவன் இல்லியா? இருக்கான்னு இந்த சர்வேல தீர்ப்பு சொல்லியாச்சுங்க).

சரி, இப்ப விஷயத்துக்கு வருவோம்.

கலப்புத் திருமணம் (ஜாதி/மதம் மறுப்புத் திருமணம்) செய்து கொள்வது ஜாதிய முழுசா ஒழிக்க ஒரு நல்ல உபாயம். இப்ப ஆரம்பிச்சம்னா இன்னும் ரெண்டு தலைமுறையில சுத்தமா ஜாதிய ஒழிச்சிடலாம்.
ஆனால், இதை ஒரு 'சட்டமா' போட்டுட்டு செய்ய முடியுமா?
காதல் திருமணங்களில் இது மிக சாத்தியம். மனதளவில் ஒருவருடன் ஒருவர் ஒத்துப் போன பின்பு, கலாச்சாரமும், பழக்கவழக்கமும் compromise பண்ணிக் கொள்ளும் பக்குவம் வந்துடும்.

ஆனால், arranged marriageனு வரும்போது, இரு குடும்பங்கள் சேருது - ஐம்பது அறுபது வருடங்கள் ஒண்ணா இருக்க வேண்டிய குடும்பங்கள், திருமணம் மூலமா ஒப்பந்தம் போடும்போது,
ஹேய் நாங்க இந்த சாமி கும்புடுவோம். நீங்க?
நாங்க இத சாப்பிடுவோம், இத சாப்பிடமாட்டோம். நீங்க?
நாங்க வெள்ளிக்கிழமை விரதம் இருப்போம். நீங்க?
நாங்க சேலைய இப்படி கட்டுவோம். நீங்க?
நாங்க பொட்டு வச்சுப்போம், மெட்டி போட்டுப்போம். நீங்க?
நாங்க மாசத்துக்கு ஒரு தபா தான் குளிப்போம். நீங்க?
இன்னும் இப்படி எத்தனையோ விஷயங்கள் ஓரளவுக்காவது ஒத்து போகுதான்னு பாக்க வேண்டி இருக்கு.

செய்யும் தொழிலை வைத்து ஜாதிகளாய் பிரிக்கப்பட்ட காலத்தில் இருந்து இன்று வரை, ஜாதி என்பது ஒரு குழுவாக கருதப்பட்டு, திருமணம் மாதிரி சமயங்களில் ஒரு identityயாக உபயோகப் படுகிறது.
பின் வந்த கால கட்டத்தில், அரசியல் நோக்காலும், ஆளுமையாலும் நீ பெருசு நான் சிருசு என்று பாகப் படுத்தப்பட்டு இன்னிக்கு இந்த அடிதடி நெலமைல நிக்குது. இன்னும் எங்கெங்க போகுமோ தெரியல.

ஜாதீய ஒழிப்பு வேணும் என்பவர்கள், தன் சுய வாழ்க்கைன்னு வரும்போது, பெரும்பாலும், வெளியில் பேசுவதை வீட்டில் செய்வதில்லை.
குறிப்பா அவங்க வீட்டு கல்யாணம்னு வரும்போது, ஒரு ஐயரோ, ஐயங்காரோ, நாடாரோ, நாயரோ, நாயக்கரோ, குயவரொ, தலித்தோ, தேவரோ அவர் ஜாதியை விட்டு இன்னொரு ஜாதியில் எடுப்பதை யோசிப்பது கூட இல்லை. ஒரே ஜாதி மட்டுமல்ல அதுக்குள்ள இருக்கர உட்பிரிவு கூட அலசி ஆராய்ந்து 100% பொறுந்தினா தான் அடுத்த கட்டமே.(அம்மா திட்டுவாங்க என்ற சப்பைக்கட்டு கட்டுவார்கள்).

நானும் விதி விலக்கல்ல. ( மனதளவில் எந்த வேற்றுமை உணர்வும் இல்லைன்னாலும், Matrimony இனையதளத்தில் தேடும்போது ஜாதி, இனம், குலம், கோத்திரம், மண்ணாங்கட்டி, தெருப்புழுதி இதெல்லாம் தெரிவு செய்த பிறகுதான் பொத்தானை க்ளிக்கினேன் :) )

நீங்க எப்படி? (நீங்க ஏற்கனவே திருமணமானவரா இருந்தீங்கன்னா, உங்கள் வீட்டில் உள்ள மற்றவர்களுக்கு வரன் தேடும்போது என்ன செய்வீர்கள் என்று சிந்தித்து வாக்களிக்கவும்)



பி.கு: புகைப்படப் போட்டிக்கு இதுவரை 6 பேர் அனுப்பிட்டாங்க. மிச்சம் ஆளுங்க இன்னா பண்றீங்க? தக்காளி கெடைக்கிலியா? ஞாயிறு இரவு 11:59 pm IST க்குள்ள அனுப்பிடுங்கோ. நன்றி!

பி.கு:
(இணையத்தில் கலப்புத் திருமணம்னு தேட்னதுல கிடைத்தது)

One
Two
Three
Four
Five
Six

என்ஸாய்!