recent posts...

Sunday, October 05, 2008

அமெரிக்க நீதிமன்றத்தில் நானு - Judgement!

முதல் பாகம் படிக்காதவங்க படிச்சுட்டு வந்திடுங்க.

அழகான வக்கீலம்மாவும், நானும் கோர்ட் ரூமுக்கு வெளியில் இருந்த பென்ச்சில் போய் அமர்ந்தோம்.
"இதப் பாரு 'சர்வேசா', நான் இந்த அபார்ட்மெண்ட்டுக்கு பதினஞ்சு வருஷமா வேல செய்யறேன். நீ என்னதான் ஞாய அநியாயம் பேசினாலும், உன் சைடுல பெரிசா சொல்லிக்கர மாதிரி புரூஃப் ஒண்ணும் இல்ல. பேசாத, நான் உனக்கு $100 திருப்பித் தரேன், நீ தர வேண்டிய $500ம் தரவேணாம், அப்படியே ரெண்டு போரும் போயி பொழப்பப் பாக்கலாம்" அப்படின்னாங்க வக்கீலம்மா.

$1500க்கு, பதிலா, திடுதிப்புனு $900ல வந்து நிக்கறாங்க, என் சைடுல தான் கேஸு ஸ்ட்ராங்கா இருக்குன்னு எனக்குப் புரிஞ்சுது.
அதுவும், இவ்ளோ நேரம் செலவு செஞ்சாச்சு. இவ்ளோ தூரம் வந்துட்டு, நீதிபதி முன்னாடி நின்னு, 'வாதிடலன்னா' அப்பரம், இந்த நிகழ்வே சப்புன்னு முடிஞ்சுடும்.
ஜட்ஜு எனக்கு எதிரா தீர்ப்ப சொன்னாலும், இந்த எக்ஸ்பீரியன்ஸ் திரும்பக் கிடைக்காதுன்னு பட்சி சொல்லிச்சு.

"Your honour. I am Surveysan and I represent myself"ன்னெல்லாம் கார்ல வரும்போது, சிவாஜியை மனசுல நெனச்சுக்கிட்டு சொல்லிப்பாத்த டைலாக்கெல்லாம் வீணாய்ப் போயிடுமேன்னு கவலை ஆயிடுச்சு.

வக்கீலம்மாகிட்ட, $100 எல்லாம் சரிப்படாது, $500 திரும்பக் கொடுக்கரதா இருந்தா, சமாதானம் பத்தி பேசலாம், இல்லன்னா, 'meet me in the court room'ன்னு அடிச்சு சொல்லிட்டேன்.

அவங்க கிட்ட, மொத்த செலவுக்கும், ரசீது இருப்பதாவும், அபார்ட்மெண்ட்டின் புகைப்படங்கள் எல்லாம் ஒரு சி.டியில் கொண்டு வந்திருப்பதையும் காட்டி, சிரித்துக் கொண்டே 'மிரட்டிப்' பார்த்தார். "I might pull my dirty tricks on you"ன்னு வில்லத்தனமா ஒரு டைலாக் வேர. உள்ளூர கொஞ்சம் டென்ஷனாயிடுச்சு, பேசாம $100 வாங்கி எஸ்கேப் ஆயிருக்கலாமோன்னு.

எப்படியும் நான் படியாததால், திரும்ப கோர்ட் ரூமுக்கு உள் போனோம். bailiff 'சர்வேசன் pls approach the desk'னு சொன்னாரு. நானும் வக்கீலம்மாவும், எங்களுக்குண்டான இடத்தில் ஜட்ஜுக்கு முன்னாடி போய் நின்னோம்.

சினிமால காட்டர மாதிரி பெரிய கோர்ட் ரூம். ஜட்ஜு உயரத்தில் ஒக்காந்திட்டி இருந்தாங்க. கொஞ்ச வயசான பெண்மணி. ஜட்ஜுக்கு ரெண்டு படிக்கட்டுக்குக் கீழ, கோர்ட் bailiff. வலது ஓரத்தில் ஒரு போலீஸ் காரர். நூறு நாற்காலிகளில், ஒரு இருபது பேர் வேடிக்கை பாக்க ஒக்காந்துட்டு இருந்தாங்க. இவங்கள் எல்லாரும், அவங்கவங்க கேஸுக்காக வந்தவங்க. Juryஸ்க்கான இருக்கைகள் காலியா இருந்தது. பெரிய வழக்குகளுக்குத்தான jurors எல்லாம் இருப்பாங்க.

நான், அபார்ட்மெண்ட்டு ஆசாமிகளுக்கு அனுப்பிய நாலைந்து கடிதமும், அதற்கான பதில் கடிதங்களும், லீஸ் பேப்பரும், எந்தெந்த விஷயங்கள் முன்னரே 'உடைந்திருந்தது' என்பதற்கான செக்-லிஸ்டும் சேர்த்து, கொத்தாக ஒரு காப்பியை ஜட்ஜுக்குக் கொடுத்தேன்.

ஜட்ஜு, மூக்குக் கண்னாடியை நன்றாகப் பொறுத்தி விட்டு, என்னைய உத்துப் பாத்து, "உன் தரப்பு வாதத்தை சொல்லுப்பா"ன்னாங்க. அவங்க நேருக்கு நேர் பாத்ததுல, நான் மனசுல நெனச்சிருந்த, சிவாஜி டயலாக்கெல்லாம், காத்துல கரஞ்சு போச்சு. கபாளமே காலி ஆன மாதிரி ஆயிடுச்சு. எவ்வளவோ பாத்துட்டோம், இத சமாலிச்சிட மாட்டோமான்னு, டக்குனு சுதாரிச்சு, என் தரப்பு விஷயங்களை எடுத்துச் சொன்னேன்.
குறிப்பா, $1000 டெப்பாஸிட், $1500 இவனுங்க கேக்கராங்க. இவங்க செலவு செஞ்ச பல விஷயங்கள் ஏற்கனவே உடைந்திருந்த விஷயங்கள். ஸோ, எனக்கு $500 திரும்ப வேணும்னு சொன்னேன்.

வக்கீலம்மா முறை வந்ததும், அவங்க தரப்புக்கு, $1500 நியாயமான செலவுதான். அபார்ட்மெண்ட் ரொம்ப மோசமாயிருந்தது. கார்ப்பெட்ல பல இடங்களில் கறை இருந்துச்சு. ஜன்னல் ஓரங்களில் அழுக்கு இருந்தது, பாத்ரூம் டப் அழுக்கா இருந்தது, ரூமில் 'indian curry' ஸ்மெல் இருந்துச்சு (dirty trick?), அது இருந்துச்சு, இது இருந்துச்சுன்னு அளந்தாங்க.

'indian curry' ஸ்மெல் எங்க இருந்துச்சுன்னு நான் கேட்டதுக்கு, ஜன்னல் திரைச் சீலையில் இருந்துச்சுன்னாங்க. திரைச்சீலை, plastic blinds அதுல எப்படி வாசனை இருக்கும்னு கேக்க, ஜட்ஜோட சேந்து அவங்களும் சிரிச்சு மழுப்பினாங்க.
அப்பாலிக்கா, வக்கீலம்மா கொண்டு வந்திருந்த சி.டி படங்களைப் பாத்தோம்.
ஜட்ஜும் கீழ இறங்கி வந்து, எங்க கூட நின்னுக்கிட்டாங்க.
ஏழெட்டு படங்களில், முக்கால் வாசி, கார்ப்பெட் அழுக்கு படங்கள்.
ஜட்ஜு, என்னைப் பாத்து, இதப் பத்தி என்ன சொல்றன்னாங்க.
நானும், இது ஏற்கனவே இருந்ததுன்னு என் லீஸ் செக்-லிஸ்ட்ல குறிச்சிருக்கேன்னேன்.

ஜன்னல் ஓர அழுக்குப் படம் வந்துச்சு. பட்டையா, fungus கொஞ்சம் இருந்துச்சு. அதப் பத்திக் கேட்ட்துக்கு, ஆமா, அது மழைத் தண்ணி கசிவால் வந்த பாசி, எவ்ளோ தொடச்சும் போகலன்னேன்.

இப்படியே எல்லா புகைப்படத்துக்கும் விளக்கம் வாங்கிக்கிட்டாங்க. பாத்ரூம் டப் கொஞ்சம் ஓவரா அழுக்கா இருந்தது (dirty trick?). என் டப் மாதிரி இல்லை அது. ஆனாலும், அதைச் சொல்லலை ஜட்ஜுகிட்ட. நான், ஒரு ஃப்ரொஃபனல் க்ளீனரை வச்செல்லாம் க்ளீன் பண்ணலை, நான் காலி செய்ததும், என்னால் இயன்றவரை க்ளீன் பண்ணிட்டேன்னேன்.

வேற ஏதாவது சொல்ல ஆசப்படறியான்னதுக்கு, ஏற்கனவே உடைந்து/அழுக்காய் போன விஷயங்கள், கார்பெட்டும், திரைச்சீலைகளும், அதுக்கு என்னால் பணம் தர முடியாது. அபார்ட்மெண்ட்டை ப்ரொஃபெஷனல் க்ளீனிங் செய்யவும், அந்த ஜன்னல் பாசியை பெயிண்ட் அடிக்கவும் ஆன செலவெல்லாம் நான் கொடுக்கத் தயார்னேன். அந்த அடிப்படையில் தான் $500 திரும்ப வேணும்னேன்.

வக்கீலம்மா கிட்ட சில கேள்விகள் கேட்டாங்க. கார்ப்பெட் எவ்ளோ வருஷமாச்சு மாத்தி? பெயிண்ட்டிங் உங்க கடமையாச்சே, அதுக்கு ஏன் வாடகை இருப்பவர்களிடம் காசு வாங்கறீங்க? கார்பெட்டில் ஏற்கனவே கறை இருந்ததால், இவங்க கிட்ட ஏன் எக்ஸ்ட்ரா வாங்கினீங்க? திரைச்சீலை ஏற்கனவே உடைந்திருந்திச்சின்னா இவங்க கிட்ட ஏன் எக்ஸ்ட்ரா வாங்கினீங்க? இப்படி, ஞாயமான கேள்விகள். வக்கீலம்மா, பாதி கேள்விக்கு சிரிச்சிக்கிட்டே மழுப்பினாங்க.

"$500 திரும்பக் கேக்கறியே, க்ளீனிங்குக்கு வெறும் $500தான் ஆகும்னு எப்படி கணக்குப் போட்ட"ன்னு என்ன பாத்து கேட்டாங்க. எனக்கு சட்டுன்னு என்ன சொல்லணும்னு தெரியல. இந்த ஊர்ல சில பல வருஷமா இருக்கேன். ஒரு வீட்டை ப்ரொஃபெஷனலா சுத்தம் செய்யணும்னா, அவ்ளோ தான் ஆகும்னேன். ஜட்ஜம்மா முகத்தைப் பாத்ததில், அந்த பதில் ஏற்புடையான பதில் மாதிரி தெரியல.

அப்பரம் ஜட்ஜம்மா பேச ஆரம்பிச்சாங்க.



"கார்பெட் மாத்தினது, திரைச்சீலை மாத்தினது, ஜன்னலுக்கு பெயிண்ட் அடிச்சது, இந்த செலவுக்கெல்லாம் கண்டிப்பா 'சர்வேசன்' பொறுப்பாக முடியாது.
அதே சமயத்தில், பல மாதங்கள் தங்கிய வீட்டை காலி செய்யும்போது, ப்ரொஃபெஷனல் க்ளீனிங் செய்வது, தார்மீகக் கடமை. அதை சர்வேசன் செய்யாததால், அதற்கான செலவை அபார்ட்மெண்ட்டுக்கு கொடுத்துதான் ஆகணும். அபார்ட்மெண்ட் தரப்பில், அதற்கான ரசீது இருப்பதால், அந்தத் தொகையை வைத்துத் தான் கணக்கு போட முடியும்.
ஸோ, க்ளீனிங் செலவு, சுவர்களுக்கான பெயிண்டிங், கிட்சன், பாத்ரூம் பராமரிப்பு இதையெல்லாம், கூட்டி கழிச்சு பாத்தா, $1000 செலவாயிருக்கும்னே தோணுது.
அபார்ட்மெண்ட் காரங்க $1500 ஆகியிருக்குன்னு சொல்றாங்க. அது தப்பு.

செக்யூரிட்டி டெப்பாஸிட், $1000 என்பதால், அபார்ட்மெண்ட் சர்வேசனுக்கு, அவர் கேட்பதைப் போல் $500 திருப்பித் தரவேண்டாம்.
அதே போல், அபார்ட்மெண்ட், சர்வேசனிடம் அதிகப் படியாய் கேட்கும் $500ஐ சர்வேசன் கொடுக்க வேண்டாம்."


இதக் கேட்டதும், அடடா, வக்கீலம்மா தந்த $100 வாங்கிக்கிட்டு சைலண்டா எஸ்கேப் ஆகியிருக்கலாமோன்னு, லேசா தோணிச்சு. ஆனா, அடுத்த கணமே, பரவால்ல, நியாயம்னு பட்டதை, சட்ட ரீதியா எடுத்து சொல்லி, ஓரளவுக்காவது வெற்றி கெடச்சதேன்னு ஒரு சந்தோஷம் படரவும் செஞ்சது.

ஆனா,....

ஜட்ஜு, அவங்க ஜட்ஜ்மெண்ட்டை சொல்லி, மர சுத்தியை மேசையில் அடிச்ச உடன். "Your Honor. I did not file a counter claim for the $500 that the plaintiff owes us"ன்னு வக்கீலம்மா சொன்னாங்க.

இது என்னடா புதுக்கதைன்னு புருவத்தை உயர்த்தினேன். அவங்க என்னா சொல்றாங்கன்னா, இந்த கேஸு போட்டிருப்பது, சர்வேசன். எதுக்கு போட்டிருக்கேன்னா, அபார்ட்மெண்ட்டிடம், $500 திரும்பப் பெறுவதற்காக போட்டிருக்கேன்.
அதுக்கான தீர்ப்பு என்னான்னா, "அபார்ட்மெண்ட் $500ஐ சர்வேசனுக்குத் திரும்பத் தரவேண்டாம்" என்பது.

இதின் இரண்டாம் பாகம் என்னான்னா, நான் அபார்ட்மெண்ட்டுக்கு தரவேண்டிய அதிகப்படியான $500 (அபார்ட்மெண்ட் செயததாய் சொல்லும் செலவு $1500, டெபாஸிட் தொகை $1000).
"நான் அபார்ட்மெண்ட்டுக்கு அதிகப்படியா எந்தத் தொகையும் தரவேண்டாம்னு" ஜட்ஜு தீர்ப்பு சொல்லணும்னா, அபார்ட்மெண்ட்டு மக்கள், என் மீது, வழக்கு தொடரணுமாம். அதுதான், வக்கீலம்மா சொல்லும், "counter claim".

அதைக் கேட்டதும், "oh. you have plans to work for us?"ன்னு வக்கீலம்மாவை பாத்து நமுட்டு சிரிப்பு சிரிச்சிக்கிட்டே கேட்டுட்டு (அதாவது, வக்கீலம்மா பெரிய புத்திசாலியாமாம் :( ), bailiff கிட்ட, ரெண்டாவது சொன்ன ஜட்ஜுமெண்ட்டு தப்பு, மொதல் சொன்னது மட்டும், கோப்புல சேத்துடு, அம்புடுதான்னு சொல்லிட்டாங்க.

எனக்கிதெல்லாம், ரூமுக்குள்ள இருக்கும்போது புரியல. வெளீல நானும் வக்கீலம்மாவும் நடந்து வந்தப்பரம், "ஒழுங்கா நான் கொடுத்த $100ஐ வாங்கிக்கிட்டு போயிருக்கலாம். இப்பப் பாரு, நீ, இன்னும் $500 தரணும் எனக்கு"ன்னாங்க.

இது என்ன கொடுமையா இருக்கு? Counter Claim இல்லாததால், அபார்ட்மெண்ட்ட், அந்த $500ஐ கேட்டுக்கிட்டு என் பின்னாடி வரலாம்னா, அது இந்த small claim சட்டத்தில் உள்ள பெரிய ஓட்டையாச்சேன்னே.

"I told you I have been doing this for 15 years. I will send the invoice for $500. Pay it." blah blah blahன்னாங்க.

ஸோ, அந்த $500ஐ நான் கட்டாம இருக்கணும்னா, அபார்ட்மெண்ட் என் மேல் கேஸு போட்டு, திரும்ப ஜட்ஜு முன்னாடி நின்னு, திரும்ப கணக்கெல்லாம் சொன்னா, இந்த இரண்டாம் பாகத்துக்கு, அப்பதான் தீர்ப்பு சொல்லுவாங்களாம்.

counter claim போட்டா என்னாகும்னு, வக்கீலம்மாவுக்கு ஏற்கனவே தெரிஞ்சிருக்கு. அதனாலதான் உஷாரா அதை ஃப்பைல் பண்ணலை அவங்க. ஸோ, எனக்குத் தெரிஞ்சு, $500 வாங்க, அவங்க கோர்ட்டுக்கு போகமாட்டாங்க. Collections agency மாதிரி யார்கிட்டையாவது போவாங்க.

"You send me the invoice, but I have no intentions to pay. I will see you later when you file the counter claim"ன்னு சொல்லிட்டு, தலைவர் ஸ்டைல்ல, திரும்பிப் பாக்காம நடந்து போயிக்கிட்டே இருந்தேன்.

கோர்ட் வளாகத்தில் கூடியிருந்த மொத்த பொதுமக்களும், நான் ஸ்டைலாக ஸ்லோ மோஷனில் நடந்து செல்வதை பார்த்து, கைதட்டி ஆர்பரித்து, சர்வேசா சர்வேசான்னு பாட்ஷா ஸ்டைலில் அலரியதெல்லாம், என் கற்பனையோன்னு ஒரு டவுட்டு வருது. நேர்ல பாத்தவங்க யாராச்சும் இருக்கீங்களா? ;)

36 comments:

SurveySan said...

ஏதாவது புரியலன்னா சொல்லுங்கோ.

:)

கோவி.கண்ணன் said...

கூண்டில் நிற்பது போல் படம் போட்டு இருப்பீர்கள் சர்வேஷனின் திருமுகத்தை தரிசிக்கலாம் என்று ஓடோடி வந்தேன். :(

SurveySan said...

வாங்க கோவியாரே.

ஏக்சுவலி, அக்டோபர் 2, காந்தி ஜெயந்தியை முன்னிட்டு, 'இவன்தான் சர்வேசன்"னு படத்தை போட்டு, நாட்டு மக்களுக்கு நற்செய்தி சொல்லலாம்னு நெனச்சிருந்தேன். அப்பரம், பின் விளைவுகள்ள யோசிச்சுப் பாத்து, விட்டுட்டேன். 2009ல் மீண்டும் யோசிக்கிறேன் ;)

கோவி.கண்ணன் said...

//SurveySan said...
வாங்க கோவியாரே.

ஏக்சுவலி, அக்டோபர் 2, காந்தி ஜெயந்தியை முன்னிட்டு, 'இவன்தான் சர்வேசன்"னு படத்தை போட்டு, நாட்டு மக்களுக்கு நற்செய்தி சொல்லலாம்னு நெனச்சிருந்தேன். அப்பரம், பின் விளைவுகள்ள யோசிச்சுப் பாத்து, விட்டுட்டேன். 2009ல் மீண்டும் யோசிக்கிறேன் ;)

//

இது என்ன கூத்து,
நக்சல் தீவிரமாதிரி முகம் தெரிஞ்சா புடிச்சிட்டு போய்டுவாங்களேன்னு பயப்படுறீங்க ?

இதுவரை யாருக்காவது தரிசனம் கொடுத்து இருக்கிறீர்களா ?

கா.கி said...

கோர்ட் படி வாசல் மெதிக்கரதுக்கு முன்னாடி, "கௌரவம், விதி, சட்டம் ஒரு இருட்டறை, citizen" மாதிரி படங்கள் பார்த்துட்டு போயிருக்கலாம்... விடுங்க... அடுத்த முறை invoice வழக்குக்கு :) கோர்ட் கோர்ட் படி வாசல் மெதிக்கரதுக்கு முன்னாடி கீழ இருக்குற இந்த scenea பாருங்க..
alpacino அருமையா நடிச்சிருப்பாரு.. காட்சிய பார்க்கும்போது அப்பப்ப நம்ம கமல் ஞாபகம் வரும்..

http://in.youtube.com/watch?v=JjCA3I-V9WA&feature=related

மாயவரத்தான் said...

//கௌரவம், விதி, சட்டம் ஒரு இருட்டறை, citizen//

ஹூம்.. நியாய தராசு, நீதிக்கு தண்டனை, பாலைவன ரோஜாக்கள், பாசப் பறவைகள், பாடாத தேனீக்கள் - இதையெல்லாம் விட்டுட்டு என்ன என்னவோ டப்பா படத்தையெல்லாம் சொல்றீங்களே?!

SurveySan said...

கோவி, ///இது என்ன கூத்து,
நக்சல் தீவிரமாதிரி முகம் தெரிஞ்சா புடிச்சிட்டு போய்டுவாங்களேன்னு பயப்படுறீங்க ?///

பயம் இல்லை. முகம் காட்டிட்டா, இப்படி ஃப்ரீயா அலப்பரை பண்ண முடியாம போயிடுமே :)
(இதப் பதி ஒரு தனிப் பதிவு போடலாம்னு இருக்கேன்)

////இதுவரை யாருக்காவது தரிசனம் கொடுத்து இருக்கிறீர்களா ?///

கொஞ்சம் பேருக்கு தரிசனம் கொடுத்தாச்சு.
சில பேரை பாக்கலாம்னு ஐடியா இருக்கு, எப்பன்னு தெரியல.
இம்முறை சென்னை வந்தால், கண்டிப்பா காந்தி சிலைக்கு அட்டெண்டன்ஸ் கொடுத்திடுவேன். சிங்கை வழி வந்தா, உங்களையும் பாக்கறேன் ;)

SurveySan said...

karthick,

///கோர்ட் படி வாசல் மெதிக்கரதுக்கு முன்னாடி, "கௌரவம், விதி, சட்டம் ஒரு இருட்டறை,//

;) கோர்ட் படி மிதிப்பதே ஒரு மிகக் கேவலமான விஷயம். கோர்ட் படி ஏறிட்டா, கவரி மான் மாதிரி, அடுத்த சீன்ல நெஞ்சப் பிடிச்சுக்கிட்டு சாகணும்னு, நம்ம சிவாஜியும், ஷேக் நாகையாவும், நம்ம மக்களை பயம்புடுத்தி வச்சிருக்காங்க.

அடுத்த முறை, கண்டிப்பா, கௌரவம் பாத்துட்டுதான் படி ஏறுவேன்;)

SurveySan said...

மாயவரத்தான்,

////நியாய தராசு, நீதிக்கு தண்டனை, பாலைவன ரோஜாக்கள், பாசப் பறவைகள், பாடாத தேனீக்கள் - இதையெல்லாம் விட்டுட்டு என்ன என்னவோ டப்பா படத்தையெல்லாம் சொல்றீங்களே?!
////

point taken. டிவிடி கிடைக்குதான்னு பாக்கறேன் ;)

கோவி.கண்ணன் said...

//சிங்கை வழி வந்தா, உங்களையும் பாக்கறேன் ;)//

நன்றி !

முத்துலெட்சுமி/muthuletchumi said...

கடைசி சீன் நல்லா இருந்திருக்கும்போல.. :)

SurveySan said...

முத்துலெட்சுமி,

அப்படித்தான் நானும் நினைக்கிறேன். பாத்தவங்க யாராவது வீடியோ எடுத்து யூ.ட்யூப்ல போட்டா உலகமக்கள் அனைவரும் பாக்கலாம் ;)

திவாண்ணா said...

1.இந்த மாதிரி சின்ன சமாசாரத்திலே எல்லாம் டெக்னிகாலிடி பாக்க தேவை இல்லை. ஜட்ஜ் அம்மா நினைச்சு இருந்தா அதை செயல் படுத்தி இருக்கலாம்ன்னு தோணுது. வழக்கு சர்வேசனுக்கும் கம்பனிக்கும் இருக்கிற கொடுக்கல் வாங்கல் பத்திதானே? மொத்தமாதான் தீர்ப்பு சொல்லனும்னு தோணுது.

2. சென்டினல் மக்கள் இப்படி dirty tricks pull பண்ணுவாங்கன்னு சொல்லலையா?

3. இப்படி செய்கிறாங்கன்னு அங்க இருக்கீற நம் மக்களூக்கு தெரிய, இந்த பதிவை தவிர எதுவும் செஞ்சீங்களா?

4. கலெக்டிங் ஏஜென்சி வந்தா என்ன செய்கிறதா உத்தேசம்?

எதுக்கும் அதுக்கு முன்னாலேயே உங்க படத்தை வெளியிட்டுடுங்க! :-))))

சிறில் அலெக்ஸ் said...

வாழ்த்துக்கள். உங்க தைரியத்த பாராட்டுறேன். வேற என்ன சொல்றதுண்ணு தெரியல..

:)

SurveySan said...

சிறில்,

///வாழ்த்துக்கள். உங்க தைரியத்த பாராட்டுறேன். வேற என்ன சொல்றதுண்ணு தெரியல..///

:)) இதுக்கு தைரியம் எல்லாம் வேணாம். கண்டிப்பா ஆட்டோ வராதுன்னு தெரியுமே. சோம்பேரித்தனத்தை கொஞ்சம் கொறச்சுக்கிட்டேன். அம்புடுதேன்.

SurveySan said...

திவா,

////2. சென்டினல் மக்கள் இப்படி dirty tricks pull பண்ணுவாங்கன்னு சொல்லலையா?/////

இல்லை. நானும், எதிர்பாக்கலை. தெரிஞ்சிருந்தா, நானும் கொஞ்சம், 'dirty' ட்ரிக்ஸ் ஏற்பாடு செஞ்சிருப்பேன் ;)

////3. இப்படி செய்கிறாங்கன்னு அங்க இருக்கீற நம் மக்களூக்கு தெரிய, இந்த பதிவை தவிர எதுவும் செஞ்சீங்களா?/////

இன்னும் இல்லை. ஒரு கூகிள் பேஜ் ரெடி பண்ணி, apartmentrating மாதிரி தளங்களில் பதியலாம்னு இரூக்கேன்.


//////4. கலெக்டிங் ஏஜென்சி வந்தா என்ன செய்கிறதா உத்தேசம்?////

Ignore! :) அவங்களால ஒண்ணும் பெருசா கழட்ட முடியாது. இங்கதான் ஆட்டோ கிடையாதே ;) அப்பப்ப ஃபோன் பண்ணி, கேஸ் போடுவோம்னு மெரட்டுவாங்க. அதுதான நம்மளுக்கும் வேணும் ;)

ILA (a) இளா said...

நல்ல படிப்பினை(எனக்குத்தான்) வூடு கெடச்சா போதும்னு நினைக்கிற என்னை மாதிரி மக்களுக்கு சரியான டிப்ஸ். செம தில்லுதான் போங்க.

வெட்டிப்பயல் said...

// SurveySan said...
வாங்க கோவியாரே.

ஏக்சுவலி, அக்டோபர் 2, காந்தி ஜெயந்தியை முன்னிட்டு, 'இவன்தான் சர்வேசன்"னு படத்தை போட்டு, நாட்டு மக்களுக்கு நற்செய்தி சொல்லலாம்னு நெனச்சிருந்தேன். அப்பரம், பின் விளைவுகள்ள யோசிச்சுப் பாத்து, விட்டுட்டேன். 2009ல் மீண்டும் யோசிக்கிறேன் ;)
//

இந்த பதில் எப்பவுமே ரெடியா வெச்சிருக்கீங்களே :)

ரெண்டு வருஷமா என்கிட்டயும் இதையே தான் சொல்றீங்க. பிள்ளையார் சனிபகவான் கிட்ட சொன்ன மாதிரி :)

SurveySan said...

ILA,

////நல்ல படிப்பினை(எனக்குத்தான்) வூடு கெடச்சா போதும்னு நினைக்கிற என்னை மாதிரி மக்களுக்கு சரியான டிப்ஸ்.////

முடிஞ்ச வரை ஆதாரம் கைல வச்சுக்கங்க. எனக்குத் தெரிஞ்சு, பெருவாரியான அபார்ட்மெண்ட் மக்கள், நியாயமாதான் நடந்துக்குவாங்க. ஒரு சிலதுகள், இந்த மாதிரி தலைய விரிச்சு ஆடுது.

////செம தில்லுதான் போங்க.////

இதுக்கு தில்லெல்லாம் வேணாங்க. பொறுமையும், நேரமும், எண்ணமும் இருந்தா போதும் ;)

SurveySan said...

வெட்டி,

/////ரெண்டு வருஷமா என்கிட்டயும் இதையே தான் சொல்றீங்க. பிள்ளையார் சனிபகவான் கிட்ட சொன்ன மாதிரி :) /////

;) சும்மா எல்லாம் பில்டப் தான்.

ஏதோ ஒரு படத்துல, விவேக்கை முற்றைச்சுக்கிட்டு ஒரு ரவுடி நடந்து வருவாரு. விவேக் பம்மிக்கிட்டு ஒதுங்குவாரு. ரவுடி கிட்ட வந்ததும், வாயத் தொறந்து பேசினா, பொம்பள கொரல்ல சௌண்டு வரும்.

பில்ட்-அப்பெல்லாம், மெயிண்டெயின் பண்ணனும், உள்ளேன் ஐயான்னு வாய் தொற்றந்துட்டா, மதிப்பு கொற்றஞ்சிடும் ;)

வெட்டிப்பயல் said...

//பில்ட்-அப்பெல்லாம், மெயிண்டெயின் பண்ணனும், உள்ளேன் ஐயான்னு வாய் தொற்றந்துட்டா, மதிப்பு கொற்றஞ்சிடும் ;)//

அப்படி என்ன பேர் சொல்லி எழுதறவங்க மதிப்பு குறைஞ்சி போயிட்டாங்க. நீங்க பேர் சொல்லாம எழுதி மதிப்பா இருக்கீங்க???

உங்க பேரை பொருத்து மதிப்பு இல்லை. உங்க எழுத்துக்கும் இன்வால்வ்மெண்டுக்கும் தான் நான் மதிப்பு கொடுக்கறேன் :)

சும்மா இஷ்டத்துக்கு அடிச்சி விடக்கூடாது. சில சமயம் ஆப்பாகிடும் :)

இங்க பெரும்பான்மையான மக்களோட கணிப்பு, நீங்க எல்லாருக்கும் தெரிஞ்ச பிரபலமான பதிவர் தான். ஒருத்தர்னு இல்லை.. வழக்கம் போல கூட்டணி பதிவு தான். எப்பவும் பேர் சொல்ல மாட்டீங்க. அது பிரச்சனையுமில்லை ஆனா தீபாவளிக்கு சொல்லலாம்னு நினைச்சேன், பொங்கலுக்கு சொல்லலாம்னு நினைச்சேனு பில்ட் அப் கொடுக்கறது தான் சில சமயம் கடுப்பா இருக்கு.

Sridhar V said...

அருமையான இருக்கு. நல்ல அனுபவம். பகிர்தலுக்கு நன்றி.

counter file பண்ணினாங்கன்னா இதே தீர்ப்பை ரெஃபர் பண்ணி அதை தள்ளுபடி பண்ணிடலாமில்லையா? உங்க பக்கம் இப்ப ஸ்ட்ராங்காத்தான் இருக்குன்னு நினைக்கிறேன்.

க்ரெடிட் ஸ்கோர் பக்கம் கொஞ்சம் கவனமா இருந்துக்கோங்க.

//இங்க பெரும்பான்மையான மக்களோட கணிப்பு, நீங்க எல்லாருக்கும் தெரிஞ்ச பிரபலமான பதிவர் தான். ஒருத்தர்னு இல்லை.. வழக்கம் போல கூட்டணி பதிவு தான்//

அப்படியா? அது மட்டுமில்லாம நிறையப் பதிவுக்குப் போய் எழுத்துப் பிழையெல்லாம் வேற சுட்டிக் காட்டுறாரு. அப்ப இவரு... இவரு... 'அவரா' இருப்பாரோ?? :-))

நான் கூட சமீபத்துலதான் வீடு மாறினேன். ஒருவேளை நாந்தான் சர்வேசனா? எனக்கே இப்ப சந்தேகமா இருக்கு :-))

SurveySan said...

வெட்டி,

////அப்படி என்ன பேர் சொல்லி எழுதறவங்க மதிப்பு குறைஞ்சி போயிட்டாங்க////

யூ டிண்ட் கெட் மை பாயிண்ட். விவேக் படத்துல வர வில்லன், வாயத் தொறக்கவரைக்கும் பெரிய கெத்தா தெரிவாரு. வாயைத் திறந்தது, சீ இவ்வளவுதானான்னு சப்னு ஆயிடும்.
அந்த மாதிரி நான் யார்னு வெளீல சொல்லிட்டா, "ச, நீதானான்னு" ஒரு சர்ப்ரைஸ் எலிமெண்ட் கொறஞ்சிடும்னு பாக்கற்றேன்.

அதைத் தவிர, 'புரட்சிகரமா' சில விஷயங்களை ஈஸியா பேச முடியும், இந்த முகமூடியால்னும் நம்பறேன்.

/////இங்க பெரும்பான்மையான மக்களோட கணிப்பு, நீங்க எல்லாருக்கும் தெரிஞ்ச பிரபலமான பதிவர் தான். ஒருத்தர்னு இல்லை.. வழக்கம் போல கூட்டணி பதிவு தான். /////

நாராயண நாராயண. இந்த சர்ப்ரைஸ் இருக்க்கரவரைக்கும் தான் என் வியாபாரம் நடக்கும். யாருனு தெரிஞ்சு, சப்னு போயிடுச்சுன்னா, என் எழுத்தையெல்லாம் யார் வாசிப்பா ;)

நான் டோட்டலா முகமூடியும் இல்லை. சில குழுவில் சொந்தப் பெயரில் தான் மடல் அனுப்பரதெல்லாம். பரிசெல்லாம் கொடுக்கும்போதும் சொந்தப் பெயரில்தானே செக் போவுது ;)

SurveySan said...

sridhar,

நன்றி.

///க்ரெடிட் ஸ்கோர் பக்கம் கொஞ்சம் கவனமா இருந்துக்கோங்க.////

ஹ்ம். படிச்சு பாக்கணும் என்ன பண்ணமுடியும்னு. ஏதாவது, லெட்டர் வந்தா, திரும்ப பாட்டி வடை சுட்ட கதை மாதிரி எல்லாத்தையும் அவங்களுக்கு அனுப்பி வைக்கணும்.

///அப்ப இவரு... இவரு... 'அவரா' இருப்பாரோ?? :-))
/////

எழுத்திப்பிழையை எவுரு சுட்டிக் காட்டற்றாரு?
இவரா?

இவருக்கே அப்பப்ப இவர் இவறாயிடுது. இந்த லக்ஷனத்துல, இவறாவது அவற்கிட்ட போய், எளுத்துப் பிளையாவது சுட்டறதாவது. வெலங்கிடும் ;)

SurveySan said...

Sridhar,

/////counter file பண்ணினாங்கன்னா இதே தீர்ப்பை ரெஃபர் பண்ணி அதை தள்ளுபடி பண்ணிடலாமில்லையா? உங்க பக்கம் இப்ப ஸ்ட்ராங்காத்தான் இருக்குன்னு நினைக்கிறேன்//////

problem is, they wont counter file, because they know it wont stand in court.
So, they will try to harass as much as they can using collection agencies.

only hiccup is the credit score, which they can messup. என்ன பண்ணலாம்னு விசாரிக்கணும். க்ரெடிட் ஸ்கோர் கை வச்சா, திரும்ப மெரட்ட முடியுமான்னு பாக்கணும்.

இல்லன்னா, வேர ஏதாவது கோர்ட்டுல போய், மண்டை காச்சலுக்கு, லம்ப்பா ஒரு தொகையை பிடிங்கமுடியுமான்னு பாக்கணும் ;)

வெட்டிப்பயல் said...

//நான் டோட்டலா முகமூடியும் இல்லை. சில குழுவில் சொந்தப் பெயரில் தான் மடல் அனுப்பரதெல்லாம். பரிசெல்லாம் கொடுக்கும்போதும் சொந்தப் பெயரில்தானே செக் போவுது ;)//

அந்த விபரங்களை எல்லாம் நான் கவனிக்கல. நீங்களே சொன்னா நான் தெரிஞ்சிக்கறேன். மத்த படி பெருசா ஆராய்ச்சி பண்ணியோ, நீங்க செய்யற நல்ல விஷயங்கள்ல இருந்து கண்டுபிடிக்கனும்னோ எனக்கு பெருசா ஈடுபாடு கிடையாது.

உங்க பேரை தெரிஞ்சா சப்புனு ஆகிடும்னு நீங்க நினைக்கிறதே காமெடியா இருக்கு.

//அதைத் தவிர, 'புரட்சிகரமா' சில விஷயங்களை ஈஸியா பேச முடியும், இந்த முகமூடியால்னும் நம்பறேன். //

ஆண்டவா, இந்த புரட்சியை மொதல்ல மக்கள்கிட்ட காப்பாத்துப்பா...

Sridhar V said...

//problem is, they wont counter file, because they know it wont stand in court.
So, they will try to harass as much as they can using collection agencies.
//

நீங்களே கோர்டுக்கு எடுத்திட்டுப் போகலாம் இல்லையா? இந்த மாதிரி ஜட்ஜ்மெண்ட் வந்திருக்கு. ஆனா இவங்க வித்ட்ரா பண்ணாம வச்சிருக்காங்க. இது என் க்ரெடி ஸ்கோரை பாதிக்கும்னு ஒரு மனு போட்டுப் பாருங்களேன்..

என்ன இப்ப ஃப்ரீ அட்வைஸ்தானே. இதுவும் கொடுப்போம்.... இதுக்கு மேலயும் கொடுப்போம் :-))

திவாண்ணா said...

//counter file பண்ணினாங்கன்னா இதே தீர்ப்பை ரெஃபர் பண்ணி அதை தள்ளுபடி பண்ணிடலாமில்லையா? உங்க பக்கம் இப்ப ஸ்ட்ராங்காத்தான் இருக்குன்னு நினைக்கிறேன்.//

ஸ்ரீதர் சொல்கிறது தப்பு.

//ரெண்டாவது சொன்ன ஜட்ஜுமெண்ட்டு தப்பு, மொதல் சொன்னது மட்டும், கோப்புல சேத்துடு, அம்புடுதான்னு சொல்லிட்டாங்க.//

ஸோ, அது ரெகார்டுல இல்லை

SurveySan said...

Diva,

///ஸோ, அது ரெகார்டுல இல்லை///

Correct!

Unknown said...

This is the reason why in few states like California does not allow attorneys to represent in small claims court

SurveySan said...

லேசுல விட மாட்டாங்க போலருக்கே.

மிச்ச துட்டு கேட்டு, 'தாதாஸ்' கிட்டேருந்து, தபால் வந்துடுச்சு.

இவனுங்களுக்கு, 'புத்தி' வர மாதீரி ஏதாவது பண்ணிட்டுதான் நான் அடங்கப் போறேன் ;)

SurveySan said...

final update: மிச்ச காசை கேட்டு கடைசியாய் வந்த கடுதாசியை நான் ignore பண்ணிட்டேன்.
அவங்க என் மேல கேஸ் போட்டா திரும்ப போய் வாதிட்டு கெலிச்சுக்கலாம்னு எண்ணம்.

ஆனா, நோட்டீஸ் ஒரு முறை வந்தது, அதுக்கப்பால இன்றுவரை, ஒண்ணுமே வரல.

வக்கீலம்மா, சும்மா கல்லு போட்டு பாத்திருக்காங்க. என்கிட்டேயிருந்து தேத்தவும் முடியாது, சட்ட ரீதியா புடுங்கவும் முடியாதுன்னு தெரிஞ்சு, லூஸ்ல விட்டுட்டாங்கன்னு தோணுது.

ஸோ, ஜெயம் நமக்கே! :)

திவாண்ணா said...

நினைவு வெச்சுகிட்டு அப்டேட் செஞ்சதுக்கு நன்றீ!
வாழ்த்துக்கள்!
:-))

தருமி said...

மூணாவது பதிவு எப்போ..........?

SurveySan said...

தருமி, மூணாவது பதிவுக்கு தேவை வரலை.

மேலே, final update பின்னூட்டம் பாக்கலையா? :)

தருமி said...

ஓ அப்டியா! அது ஏதோ சைனாகாரர் எழுதியதுன்னு நினச்சிட்டேன் .. ஹி .. ஹி .. ஆக, செவுச்சிட்டீங்கன்னு சொல்லுங்க. நல்லது.