இதையெல்லாம் ஏன்யா தடுக்கணும்?

பதிவர் நண்பர் ரிஷான் ஷெரீப், நார்வேயில் சில சைக்கோக்கள் விளையாடும், விபரீத வீர விளையாட்டை பத்தி பதிவு எழுதியிருந்தார்.

பனிப்பாறைகளில் வாழும் ஸீல் எனும் அப்பாவியான விலங்கினத்தை மனிதர்கள், விளையாட்டு என்ற பெயரில், வேட்டையாடும் கொடுமையைப் பற்றி புகைப்படங்களுடன் பதிவிட்டிருந்தார்.

அந்தப் பதிவில் பல்வேறு கருத்துக்கள் வந்து குவிந்திருந்தன.
சில பேரு, ஐயோ பாவம்னும், சிலரு அரசியல்ல இதெல்லாம் சகஜமப்பாங்கர மாதிரியும் கருத்து சொல்லியிருந்தாங்க.

மனுஷன், மிருகங்களை கொல்றது, இன்னிக்கோ நேத்தோ நடக்கரதில்லை.
ஆதாம், ஏவாள் காலத்துலேருந்தே நடக்கரதுதான்.

சிங்கம் மானைக் கொல்றதும்,
ஸீல் மீனைக் கொல்றதும்,
பனிக் கரடி, ஸீலைக் கொல்றதும்

பனிக் கரடியையும், ஸீலையும், சிங்கத்தையும், மீனையும், மனுஷனையும், மனுஷன் கொல்றது

உலக நியதி.

என்ன ஒரே தப்புன்னா, இதை, விளையாட்டுக்காக கொல்றது, கொஞ்சம் சைக்கோத்தனம்.

எனக்குத் தெரிஞ்சு, எந்த மிருகமும், விளையாட்டுக்காக இன்னொரு மிருகத்தைக் கொல்லாது. பசியாலும், பயத்தாலும் தான் கொல்லும்.

ஆட்டையும், மாட்டையும், நாம ஷூ போட்டு, பெல்ட் கட்டி, ஜாக்கெட் போட கொல்றதும் கொஞ்சம் வருத்தமான செயல்தான்.
ஆனா, அதையெல்லாம் நிறுத்தப் போறோமா என்ன?

சில நாடுகள்ள, சில மிருகங்களின் தோலினால் ஆன ஜாக்கெட்டெல்லாம் தடை செய்யப்பட்டுள்ளது. முதலை, பனிக் கரடி மாதிரி விலங்குகள்.

இதற்கு முதன்மை காரணம், அந்த ஜீவராசிகள் அழிந்து வரும் நிலையை அடைந்துள்ளதுதான்.

இன்னும் கொஞ்ச நாள்ள, கடல் மீன்கள் திவாலாகும் நிலை வர உள்ளது. ( 2050? )
ஆடு, மாடு, கோழியெல்லாம் வளக்கர மாதிரி, மீன்களை அவ்வளவு சுலபமா இதுவரை வளக்கும் யுக்தியை கண்டுபிடிக்கலை. ( ஆஸ்திரேலிய அமெரிக்காவில் மீன் பண்ணையில், மீன்கள் வளர்க்கப்பட்டாலும், உலகின் மொத்த தேவையை பூர்த்தி செய்யும் அளவு இவை பெரிதல்ல )

அப்படி, ஸீல் வகையினங்கள் அழியும் நிலை வரும்போது, சில நிறுவனங்கள் கொய்யோ மொய்யோன்னு கத்தி, இந்த விளையாட்டையெல்லாம் தடை செய்வாங்க. அட்லீஸ்ட், ஸீல்ல ரெண்ட புடிச்சு ஒரு Zooல வச்சு, அதை குட்டி போட வச்சு, நம்ம வருங்காலத்துக்கு ஸீல் இதுதான்னு கண்டிப்பா காட்டுவாங்க.

2007ல் வெளிவந்த "அடப்பாவமே, போதுங்கய்யா விட்டுடுங்க பாவம்யா பாவம்!" என்ற சர்வேயின் முடிவைப் பார்த்தாலே நமது லட்சணம் நன்கு விளங்கிவிடும்.

பி.கு1: அடேயப்பா, மேற்கோள் காட்டர அளவுக்கு போன வருஷம் சர்வே போட்டிருக்கோம்ல :)

பி.கு2: பாரதி நாதனுக்கு காது குத்தும் ஒரு சுபயோக சுபதினத்தில், ஒரு பாவப்பட்ட ஆட்டை ஃபோட்டோவெல்லாம் எடுத்து, அதுக்கப்பால அதை மர்டர் பண்ணி, மட்டன் பிரியாணி செஞ்சு, நமக்கெல்லாம் பார்சல் அனுப்பாம, மொத்தமா ரவுண்டு கட்டி அடிச்ச கொடுமையும் நடக்கத்தான் செய்யுது. இளவஞ்சியை மிறுக வதை சட்டம் தண்டிக்குமா? ( ;) ஹி ஹி )

பி.கு3: கொசு, கறப்பான் பூச்சியெல்லாம், ரவுண்டு கட்டி சாகடிக்கறமே, அந்த ஜீவராசி extinct ஆயிடுச்சுன்னா பரவால்லயா? அது என்ன ஞாயம்? அப்ப, மனுஷனுக்கு தேவையானது மட்டும் இருக்கணும், மத்ததெல்லாம் எப்படியோ போவலாமா? :)


லூஸ்ல விடுங்கப்பா. நம்ம ப்ரச்சனையே ஆயிரத்தெட்டு இருக்கு. அதை மொதல்ல கவனிப்போம்.

கருத்ஸ்?