எலே, திரும்ப வருவியா மாட்டியா ? (சர்வே)

நம்மில் பலர் மேற்படிப்புக்காக அயல் நாடுகளுக்குச் சென்று, கல்வி முடிந்தவுடன் அங்கேயே வேலைக்கும் சென்று 'செட்டில்' ஆனவர்கள்.
இன்னும் சிலர் வேலை வாய்ப்பு தேடி வெளிநாடு சென்று தங்கி விட்டவர்கள்.

மேலே உள்ள இரு தரப்பினரும் வெளிநாட்டைத் தேடிச்சென்ற நோக்கம் ஒன்று தான் - சொந்த ஊரில் சுலபத்தில் கிடைக்காத 'quality life' தேடிப்பிடித்து அடைவதே அது.

வெளிநாட்டுக்குச் செல்லும் option கிடைக்காத/விரும்பாத கூட்டமும் ஊரில் உண்டு. விடுமுறையில் ஊருக்குச் செல்லும்போதெல்லாம், இந்த கூட்டத்தினரும், சொந்த குடும்பத்தினரும் 'எப்படா மொத்தமா விட்டுட்டு வரப்போற. போறும்டா' என்று அங்கலாய்ப்பார்கள்.

முதல் முறை புறப்படும்போது, உயிர் நண்பர்களிடம், "மச்சி ரெண்டு வருஷம் ட்ரை பண்ணிட்டு திரும்பி வந்துடறேன்டா. வூட்ட பாத்துக்கோடா" என்று கண்ணீர் மல்க சொன்னவர்கள், இரண்டு வருடம் முடிந்ததும், "மச்சி அடுத்த வருஷம் வந்துடலாம்னு இருக்கேண்டா. project பாதில இருக்கு. வுட்டுட்டு வரமுடியாது" என்று டபாய்ப்பார்கள்.

இதைத்தான் X+1 syndrome என்று நாமகரணம் சூட்டி நம்மாட்கள் வருடா வருடம் கொண்டாடுகிறார்கள்.

வருடங்கள் கணக்கு வைத்து சிலர், லட்சங்கள் கணக்கு வைத்து சிலர்.
"10 லட்சம் சேத்துட்டு கெளம்பி வந்துடறேண்டா" என்று அரம்பித்து, பத்து இருபதாகி, இருபது ஐம்பதாகி, லட்சம் கோடியானாலும் திரும்ப மாட்டார்கள் இந்த சிலர்.

இந்தத் திரும்பா மனத்திர்க்கு முக்கிய காரணம் என்னவாயிருக்கும்? Its entirely based on the individual. ஒவ்வொருவருக்கு ஒவ்வொரு காரணங்கள்.

சொன்னபடி திரும்பி போனவர்களும் உண்டு (நெம்ப கம்மி ஆனால் :) )

திரும்பிப் போகாமல் இங்கேயே 'extensions' போடச் செய்வது எது?
எனக்குத் தெரிந்த பட்டியல்:
1) பணம் பணம் பணம்
2) Quality of life
3) சொந்த ஊரில் பணம் கிடைத்தாலும், இங்கிருப்பது போன்ற 'சுலப' வாழ்க்கை இல்லை.

பட்டியல் போட்டு காரணத்தை கண்டுபிடிக்கத் தான் நினைத்தேன். since its based on individual, I can possibly not include all options. அதனால், உங்கள் காரணங்களை பின்னூடுங்கள்.

சர்வே இல்லாமல் பதிவு போட முடியாது (police பிடிச்சிடும் :) ).
அதனால், இன்றைய சர்வே கீழே. நன்றாக யோசித்து வாக்களியுங்கள்:




நன்றி! அப்படியே, வெளம்பரம் போட்டு நண்பர்களையும் படிச்சு வாக்களிக்கச் சொல்லுங்க.


labels: return to india; more dollars; quality of life;