சுருக்கமா சொல்லணும்னா,
2008 பீஜிங் ஒலிம்ப்பிக்ஸில், 8 தங்கம் வென்றவர்;
7 உலகச் சாதனைக்குச் சொந்தக்காரர்;
16 ஒலிம்ப்பிக் பதக்கங்கள் வென்றவர்;
இப்படி அடுக்கிக்கிட்டே போலாம்.
குறிப்பா, பீஜிங்க் ஒலிம்ப்பிக்கில் இவர் காட்டிய அசாத்திய திறமை அபாரம். ஒரு போட்டிய முடிக்கறாரு, தங்கம் வாங்கராரு, அடுத்த கணத்தில் அடுத்த போட்டிக்கு தயாராகறாரு, அங்கயும் தங்கம் வாங்கறாரு.
(மீனாப் பொறக்கவேண்டியவன், மனுஷனா பொறந்துட்டான் :) )
இதுவரை 7 தங்கம் வென்ற Mark Spitzன் சாதனையை முறியடித்த போது, Michael Phelpsன் சந்தோஷத்தை புகைப்படமெடுத்த புகைப்படக்காரர், அதே Phelps 8ஆவது தங்கம் வாங்கியவுடன் தனது கேமராவுக்கு நிறைய தீனி கிடைக்கும் என்று காத்திருந்தாராம்.
ஆனா, 4X100 ரிலே நீச்சலில் 8ஆவது தங்கம் வாங்கியதும், Phelpsம், அவரது கூட்டாளிகளும், எந்த ஒரு ஆர்ப்பாட்டமும் செய்யாமல், புஸ்ஸ்ஸ்ஸ் என்று ஆக்கிவிட்டார்களாம்.
பாவம் கேமராக்காரரு, நிகழ்ச்சி தொடங்கரதுக்கு பல மணிநேரம் முன்னமே சென்று, இடம் புடிச்சு, ஆங்கிள் எல்லாம் யோசிச்சு, ரெடியா இருந்தா, இந்த Phelps இப்படி ஏமாத்திட்டாரே?
சாதாரண சாதனையா இது? சைலண்டா போவதர்க்கு? Phelpsன் கூட்டணியில் இருந்த மற்ற மூவர் மேல் குற்றம் உள்ளது. Phelps ஆர்ப்பாட்டம் பண்ணலன்னாலும், மத்த மூணு பேரு எதையாச்சும் பண்ணி ஒரு டிராமா உருவாக்கியிருக்கணும்.
வரலாற்று நிகழ்வு, புஸ்ஸென்று போகவிட்ட அந்த மூவருக்கு என் கண்டனங்கள்! (தமிழ் கத்துக்கிட்டு இந்தப் பதிவ படிச்சு, என் கண்டனத்தை தெரிஞ்சுக்கிட்டு, வருத்தப்படுங்க, மூவர்ஸ்!)
7ஆவது தங்கம் வென்றதும் எடுத்த படம். படத்தை கிளிக்கினால், அந்தப் புகைப்படக்காரரின் பக்கத்தில் முழுக் கதையைப் படிக்கலாம்.
8ஆவது தங்கம் வென்றதும் எடுத்த படம். ( புஸ்ஸ்ஸ்ஸ் )
Michael Phelps, you rock!
But, your team mates failed to jubiliently project the historical achievement in front of the world! Shame on them!
| பி.கு: என் முந்தைய Mixture பதிவில் பரிசல்காரனின் பின்னூட்டம் சிறந்ததாக தேர்ந்தெடுக்கப்படுகிறது. ;) ( இது என்னன்னு புரியாதவங்க Mixture பதிவை படிங்க :) ) |
