மிருகம் - திரைப்படம் பற்றிய கருத்துக்கள்

வித்யாசமான படம் வித்யாசமான படம்னு எல்லாரும் தம்பட்டம் அடிச்சதால இந்தப் படத்த பாக்கணும்னு ஒரு ஆசை இருந்தது.
அதுவும் இல்லாம, ஷூட்டிங் ஸ்பாட்ல பத்மப்ரியாவ படத்தின் டைரக்டர் சாமி கன்னத்துல அறஞ்சுட்டாராம் (அதப் பத்தி கடைசில பாக்கலாம்).

படத்தோட கதை?
முரட்டுப் பயலா இருக்கரவனின் திமிரான வாழ்க்கை. கெட்ட வழக்கங்களினால் அவன் எப்படி சீரழிஞ்சு, தன்ன சுத்தி இருக்கரவங்களுக்கும் தொல்லையா இருக்கான்னு, ஒரு நல்ல மெஸேஜ் சொல்ற மாதிரியான கதை.

படம் எதிர்பார்த்த அளவுக்கு நல்லா இருந்ததா?
இல்ல.

சரி, படம் நல்லா இருந்ததா?
இல்ல.

சரி, படம் பயங்கர மோசமா?
இல்ல. ஆனா, படம் பாருங்கன்னும் சொல்ல முடியாத அளவுக்கு இருக்கு.

சரி, படத்தோட ஹீரோ எப்படி?
நல்ல கண்டுபிடிப்பு. தலைப்புக்கேத்த தெரிவு.

குடும்பத்தோட பாக்கலாமா?
மூச்!

யதார்த்தமான படமா?
அப்படி எடுக்கணும்னு நெனச்சு, ரொம்ப டார்ச்சர் பல எடங்கள்ள.

பாட்டெல்லாம் எப்படி?
ஒண்ணும் நெனவுல இல்ல.

மத்த விஷயங்கள்?
படம் முழுக்க Sepia effectல் வரட்சி. ஆனா, கேமரா கோணங்கள் நல்லாவே இருந்துது. ஸெட் போட்டவர் நல்லா போட்டிருந்தாரு. காமெடி சரியில்லை. முகம் சுளிக்க வைக்கும் பல காட்சிகள்.
படத்தில் சொல்லப்படும் மெஸேஜ் ஓ.கே. ஆனா, ஒரு நாலு வருஷத்துக்கு முன்னாடி வந்து சொல்லியிருக்கலாம்.

பத்மப்பிரியா?
நல்ல யதார்த்த நடிப்பு. ஆனா, கிராமீய சூழல்ல எடுத்த படத்துக்கு, புருவத்த ட்ரிம் பண்ணிக்கிட்டு, அழகா தலை சீவிக்கிட்டு பொட்டு வச்சுக்கிட்டா நடிப்பாங்க? கொஞ்சம் கூட ஒட்டல அந்த கதாபாத்திரத்துக்கு. (பருத்தி வீரன்,ப்ரியாமணிய நெனச்சேன். பெருமூச் வருது).

பத்மப்பிரியாவ அறஞ்சது?
எதுக்காக அறஞ்சாருன்னு தெரியல. பப்ளிஸிட்டி ஸ்டண்ட்?
மேக்கப் போடாதீங்கன்னு சொல்லியும் மேக்கப் போட்டுட்டு வந்ததாலன்னா, ஞாயமான அறைதான் (ஆ'ணீயம்' எல்லாம் இல்லீங்க, ஒரு படைப்பாளியின் கோணத்தில் நின்னு பாத்து, மனசுல பட்டத சொன்னேன் :) )

கூட்டிக் கழிச்சு பாத்தா?
யதார்த்தமா எடுக்கறேன்னு, ப.வீரன பாத்து சூடு போட்டுக்கிட்ட மாதிரி தெரியுது.
முகம் சுளிய வைக்கும் பல 'யதார்த்த' காட்சிகளை விலக்கிவிட்டும், பத்மப்பிரியா முகத்தில் கொஞ்சம் அழுக்கு பூசியும், இசைக்கு ராஜாவ கொண்டாந்தும் இருந்திருந்தா, ஓரளவுக்கு நல்ல படமா வந்திருக்கலாம்.

நீங்க பாத்தாச்சா?

பி.கு: கடவுள் இருக்கான்டா கடவுள் இருக்கான்டான்னு ஒரு சாமி (பிராமண்?) அங்கங்க வந்து சொல்லிட்டே போவாரு. எதுக்கு அப்படி சொல்றாரு, அவரு ஏன், ஒரு பிராமணா இருக்காருன்னு எனக்கு புரியல்ல. அதிலுள்ள நுண்ணரசியல விளக்க நம்ம ஜமாலன்,TBCDய கேட்டுக்கறேன். ;)